Bumisita ang General Santos City Water District, (GSCWD) sa Baliwag Water District, (BWD) upang isagawa ang kanilang “benchmarking” ukol sa matagumpay pagpapatupad ng Septage Management Program ng BWD. Dahil sa ang BWD ang isa sa “pioneer” ng pagpapatupad ng naturang programa sa bansa, minabuti ng GSCWD na dito isagawa ang kanilang pag-aaral upang lalo pa nilang mapalawak ang kanilang kaalaman ukol sa tamang pagpapatupad, pamamalakad, mga angkop na kagamitan at teknolohiya, istratehiya, mga naging karanasan, at naging bunga ng tamang Septage Management Program na ipinatutupad ng BWD sa ating Lungsod. Sa marami ng pagkakataon, ang BWD Septage Management Program maging ang ating Septage Treatment Plant ang s’yang napipiling “benchmarking site” ng mga water district sa ating bansa dahil sa ating kasanayan at marami ng ekspiryensya ukol sa mahalagang mandato ng pagpapanatiling malinis ng ating “Groundwater Source” at pag-papahalaga nadin sa ating kalikasan.